عايزة أتجوز

كتاب ساخر جدا وواقعي جدا للشباب حول فتاة تريد أن تتزوج ومغامراتها المضحكة مع الخطاب المختلفين. ويصدر هذا الكتاب ضمن سلسلة مدون الشروق وهي سلسلة جديدة تصدرها دار الشروق للمدونات العربية المتميزة.
"زمان كنتوا تشوفوا في الأفلام العربي أي بنت تدخل فرح وهي لابسه شيك كده شوية.. يتلموا عليها الشبان ويبقوا عايزين ياكلوها.. وما تخرجش م الفرح إلا بعريس.. دلوقتي نفس التجمعات بس بالعكس.. تلاقي كل أم قاعدة هي وبناتها مراقبين الشباب وياويله إللي يعدي جنبهم.
- طارق.. إزيك يا ولد.. مش تيجي تسلم على بنات خالتك شوف بقوا حلوين إزاي؟
- أنا مش طارق يا طنط وأنا متهيألي كده حضرتك مش خالتي.
- صحيح؟ معلش يا حبيبي العتب ع النظر طب ما تعرفنا على نفسك كده.. يمكن ربنا يحبك ويبقالك نصيب معانا.
طبعا الواد يا إما يطلع يجري.. يا إما حد من صحابه بياخد باله م الكمين إللي وقع فيه ويجي ينقذه على أساس في حد عايزة وكده.."