شيطان آدم ج2

من داخل جدران الغرفة البيضاء في مستشفى الأمراض العقلية ها هو آدم يجلس القرفصاء على السرير الأبيض متكئًا على حائط الغرفة المجاور للسرير، وقد أسند رأسه على يديه فوق ركبتيه المثنية محدِّثًا نفسه قائلًا: “دوّامة أنا حاسس إني بدور في دوامة، أنا مش عارف أنا مين أو أنا فين، نايم ولَّا صاحي؟ دا حلم ولَّا دي حقيقة؟أنا مش فاكر إيه اللي حصل؟ مين قتل مين؟ يا ترى أنا القاتل ولَّا أنا المقتول؟ يا ترى أنا آدم فعلًا ولَّا أنا نسخة منه؟ أنا دماغي هتنفجر من التفكير، أنا حاسس إني أنا كل النسخ بتاعة آدم، أنا حاسس إني أسوأ إنسان على وجه الأرض، أنا حاسس إني قابيل، أنا عملت كل الجرايم دي؟! أنا حاسس إني أنا أسوأ نسخة مني، أنا حاسس إني شيطان.